Posts

Showing posts from May, 2023

135. Agwitia Īgûru

 1.  Agwitia Īgûru, Mûnene uũ Jesû, Nandi akumagua, Ni arimo bonthe. Ma Ni untu bûũ tumwinîre, Tukumagieni Mwathani. 2.  Nandi aathanaga, Na inya o na mma; Nanenkeri watho Ni Murungu Baaba, Ni untũ bûũ tũmwinîre, Tukumagieni Mwathani. 3.  Kenya aari kaana, Gataarî nokumio; Na nakumithirue Ni Murungu wengwa. Ni ûntûbûû tumwinîre, Tûkumagieni Mwathani 4.  Anthu bawe beengwe, Ni mbîtîka ciawe; Bonthe bakinyangwe, Unene bwîje rua, Ni untu bûũ tumwinîre, Tûkumagieni Mwathani. 5.   Mûthenya jukeeja, Jûria akoombana, Nawe akaethua, Mûnene wa bonthe, Ni ûntûbûûtûmwinïre, Tûkumagieni Mwathani.

136. Ndua nithiri, gîkuũ gîküümbwa

 1.  Ndua nithiri, gîkuũ gîküümbwa, Twinireni uria wakïumba; Tûmûgonge na rwimbo rûrû Alleluya! 2.  Rîria Nkoma yamugwataga, Jesû noombire inya yayo, Naaregere kutheekwa niyo: Alleluya! 3.  Naamaamire ntukũ ithatũ, Nacio ciathira arariûka; Arakumithua nî Murungu. Alleluya! 4.  Niwe utûmîte tuthaurwa, Na tutîkarîumbwa ni gîkuũ; Nandi turi na Mwoyo Jũngî: Alleluya!

137. Riria Mwathani aumaga

 1.  Riria Mwathani aumaga, Gûkû natwirire, Ati Mûtethia Umwega, Akoonora. 2. Aritwa iboothurani, Bakimwerencaga, Oojurie wirane bwawe, Na mîtuki. 3.  Nabo ibaatemukire, Nkoro irakuûka: Muteethia arabeejiira, Na imako. 4.  Kwîja kwawe kwang'uanene, Na nthaande cia mwanki; Na gîtuma kinene ta, Kiuregûru. 5. Neejaga gütütharima,  Na gutübooreria. Kenda nkanja cietu cionthe, Ikathira. 6.  Kirundu natwaragiria Na kaju gakooro; Na natukaanagia meeyia: Tumwigueni. 7.  Na mathuganio jameega, Na kuumbana gwetu, Na inya ya nkoro cietu, Natweejaga. 8.  Igwe, Kirundu wa Jesû, Twîjîîre o nandĩ: Karaga nkoro-ne cietu, Ntukû cionthe.

138. Ii Kirundu Umutheru, tuthiikîîre

 1.  Ii Kirundu Umutheru, tuthiikîîre, Nju o aja tügükwerenca mma; Njû ûtwinamîîre na inya yaku, Kirundu Ûmûtheru ruuja nkoro. 2.   Na wîîje ta werû bwa gutwoneeria, Waa bwetu amwe na meeyia jetũ; Na ni kenda tuumbe gwita bubwega, Twonie njira ta tûrî na tawa. 3.  Na wilje ta mwanki kenda waakiirie, Ûthûku bûria bûtwinyangîtie; Tütungatagire Müküüri wetu, Nkoro cietu nacio ciorooeetue. 4.  Na wiije ja mbura kenda uumithia, Mathithio jaria ja gûkûgwiria; Tûkare ja muunda junori mono, Jüria jûtiumba kwaga irio. 5.  Wije buu ta ruuo rükiurutana!, Ta üria weejire, ningĩ nju nandi; Migongo îkaigue ntûûre-ne ciao, Na bakwambîîrie nkoro-ne ciao. 6.  Ii Kirundu Ûmütheru, tuthikîïre, Nju nthigürûyonthe twakwerenca; Njû ûtwinamîîre na utugi bwaku, Kirundu Ûmütheru nju o nandi.

139. Tharike ya Mwathani

 1.  Tharike ya Mwathani  ni ya uguri bûbumo; Ya kutheragia meeyia  ja urîa wirirîte.      Tharike nînkumienda       (ninkumienda)      Na niyo yankûrire       (yankürire)      Na îkîntheria mono,       (ntheria mono),      Mpume meeyie-ne jonthe. 2.   Ndene ya tharike iu  kuri mwoyo jwa kenya, Ûria ukamîtîkia ari  na mwoyo buru. 3.  Jesû mwana-o Mürungu  niwe watükuiriire, Aretûûra tharike ya  kuthambagia meevia. 4.  Jesû aakua naariokire  na agiita aatigire auga "Ngatama Mübüteethia,  Kirundu Umütheru". 5 .  Wirane bwa Mürungu  ni Kirundu Ûmütheru; Uria weejire nthi iji  gütongagiîria atheru.

140. Kirundu Ûmütheru

  1.  Kirundu Ûmütheru, Ija naja gwetu; Na ûtwonie ûthûkû, Büri nkoro cietu. 2.  Mbere tweereeraga, Kuraja na gwaku; Nandi twakuromba, Ûrekeri bwaku. 3.  Kirundu Ûmûtheru, Tûûra gûntûgûkû, Thiria muundu jwetu, Na werû bûu bwaku. 5.  Kirundu Ûmütheru, Ûkarage gwetu; Ûtûritanage, O mîthenya yonthe. 4.  Ningi wakie mwanki, Nkoro-ne o cionthe, O mwanka ciakîîrue, Meeyia jacio jonthe. 6.  Tui tuti na inya, Kwithongomia nkoro; Twonie Jesû Kristo, Ûria Mütwonokia. 7.  Kirundu Ûmûtheru Ija aja gwetu; Nitugwetereete Ijanga, gwe Umutheru!

141. Gwe Kirundu wa Mûrungu

 1.  Gwe Kirundu wa Mûrungu, Tûee werû bwaku nandi; Ûtüme ütukûbwetûbüthire, Na muundu junthe jwa nkoro. 2.  Magerio najo ijamaingi, Shaitani atitûtigaga, Nteto cia antu na maiririria jetû, Biendaga gutuaatithia. 3.  Gwe nwijî ûrîa tukari, Kurita ona kwang'aara; Tükenda na nkoro gukara bwega, No miiri yetu îtiendaga. 4.  Gwe Mutheru wa Murungu, Ûtüee ũumbani bwaku; Tümbe gükara tûrî babagîru, Na tutigage kwĩagia. 5. Gwe Kirundu wa Murungu, Twîkîre wendani bwaku; Tweendage Murungu na tweende antu, O ta uria Jesû abeendete. 6. Kirundu itukwenda mono, Ûtûee nkoro imbagîtu; Na antu ba Kanisa nabo baagire, Ta Mutwe jwayo Kristo.

142. Kirundu wa Mûrungu

 1.  Kirundu wa Mûrungu Itû ûmûrikire; Mincuria metho jakwa, Ûriûkie nkoro yakwa. 2.  Kirundu wa Mürungu, Tüma nkoro yakana; Mawega joongagiire, Ithia jaria mathüüku. 3.  Kirundu wa Mûrungu, Mbujuria inya yaku; Mpethia ncamba ndûjage, Kenda mbonokia bangĩ. 4.  Kirundu wa Murungu, Menyithia mantu ja mma; Kenda menya kûthûûra, Jonthe jarĩa wendaga. 5.  Kirundu wa Murungu, Boreria nkoro yakwa, Nditana nkirage kii, Kaju gaku mbigague. 6.  Kirundu wa Murungu, Gwiragia nkoro yakwa, Kenda nkagwiria bangi, Na ndwimbo cia Matune

143. Njûûni aana bwineeni

 1.  Njûûni aana bwineeni,  Alleluia! Amen! Nitükumie Mwathani,  Alleluia! Amen!, Gwirueni na nkoro,  o na tuju twenu: Bwega no ainirwe,  Alleluia! Amen! 2.  Itikirieni bwinthe,  Alleluia! Amen! Bonthe baigue bûkiina,  Alleluia! Amen! Kristo ni Mûtwendi,  na ni Mûtûkûûri; Nowe mwega wenka:  Alleluia! Amen! 3.  Ona kaîrî ineeni,  Alleluia! Amen!, Rwimbo rûtikaathira;  Alleluia! Amen!, Na riria tukauna,  muuro juu jwa gîkuu, Tûtîtiga kwina,  Alleluia! Amen!

144. Mûrungu, Baaba, nandî nîmenyete,

 1.  Mûrungu, Baaba, nandî nîmenyete, Rûteto rwa mma rwa kugwirania.      Gwe, Murungu ndagukaatha!     Ndagukaatha mono!,     Îthe wetu, ûrookumua,     Ni antũ bonthe! 2.   Na ningî nîmbi îgatuma menye? Ni kwigua uria Mutanagu anthithîtie. 3.   Ni ni ndeeïtie, na ti ni ndaakuire; Ni Jesû Münküüri ürĩa wankuîrîîre. 4.  Ni wanditîîre Mutanagu-o-mũmwe; Ni kenda ni ngakuurwa ni gukua kwawe. 5.  Nandi ndi nthi iji, iri na mithangîko, Atintigaga, na ni amenyagîîra. 6.  Ni mbiji ningi, gugakinya îgita; Akambita twonane nawe Igürü.

145. Ningügwitikia, Mwonokia

 1.  Ningügwitikia, Mwonokia, Jesû Mwathani; Niüntûbwa ûkûûri bwaku, Bûûnene. 2.   Ningugwitikia, ndekera, Ningûkûromba; Umbonie wendo bûûnene, Na wega. 3.  Ningûgwitikia, unthambie, Nkoro-ne yakwa, Na tharike yaku, Jesû, Mwonokia. 4.  Ningugwitikia ntongeeria, Njire-ne yonthe; Underage, unkaragie, Mûrîîthi. 5.  Ningugwîtîkia, nenkera, Inya yaku mma; Tuma nteto ciaku, Jesû, Ciumbana. 6.  Ningûgwitikia, Mwathani, Ûtigantiga Ngagwitikia Jesû nandi, Na kenya.

146. Mwonokia wetu arookumua

 1.  Mwonokia wetu arookumua, Ni tui twinthe antû bawe; Ni atia tümenyekia Trandû, Rietû na Jesû. 2.  Tümüceni miri yetu, O na into bionthe bietũ; Tontu ni Münene wetû, Ningi Mûkûûri. 3.  Riitwa ria Jesû i ririega, li nirio rîtugwiragia; Na niwe üütümbithagia, Tukare bwega. 4.  Waîîrania bwa Shaitani, Na kinya nkanja gûtî bio; Biumba kwîja gûtuthukia, Tumwiiraaltie. 5.  Tûmwiiraie mwanka kenya, Batui twinthe antu bawe; Tontu ni mûkaria wetu, Ningi mûtwendi. 6.  Inya yonthe ya Shaitani, Ona waayia bwawe bunthe, Bitîtigithania Jesû, Na baria eendete. 7.  Mwathani no ûtûteethie, Tükwirigiire o gwe gwenka; Mwanka tûgeetania nagwe, Gwaku Igûrû. 8.  Niku tweendaga gûkinya, Na nîku tukathongomua; Na tung'uanane na Jesû, Mûkûûri, wetû.

147. Murungu arokumua!

 1.  Murungu arokumua!  Natwendaga mma, Naaritire  Mutana atwonokie; Jesû niwe  waeere kigongwana, Kenda tûkûrûka  ntura ya Murungu.      Kumieni Mwathani,       antũ bonthe baigue,      Kumieni Mwathani,       antu bagwirague;       Njüüni kiri Baaba       nî kenda Jesû,      Agoongagwe       ni antũ bawe bonthe. 2.  Ûkûûri bûûng'anu  nituejagwa, Riria twetikia  Nteto cia Murungu; Guti na mwiriri  ûtîambîrîkua, Ni Mûrungu  Mwene - Inya  na Mwonokia. 3.  Kirundu natumenyithagia bwega, Mantu jonthe ja  Iuku ria Murungu; Na twakinya kûria  Igûru kwawe, No tukamenyana  na tugwirague.

148. Baria bakumenya Nteto cia Jesû

 1.  Baria bakumenya Nteto cia Jesû, Itumagîîrieni ngongo-ne cionthe; Menyithanagieni uria aaugire: Ûria ukwenda neeje.      Ûria ukwenda! Ûria ûkwenda!      Kuuma nthi ya Chuka mwanka Moyale,      Antu ba migongo yonthe bamenye:      Jesû niwe Müküüri. 2.  Baria batamenya urĩa boombîkia, Kweberua mothüüku boona mawega, Beeje kîrî Jesû, no Wenka njira; Ya Mwoyo jûmüthongi. 3.  Baria beetikagia Nteto cia Jesû, Batikîra gukua, bakîmenyaga; Ati bamuthingata bagatuûra. Kwawe kenya na kenya.

149. Nkoro yakwa irokumia

 1.  Nkoro yakwa irokumia, Mwathani wa Îgûru: İkûûritwe, îrekéri, Îtîmenya gûtiga, Gûkumagia gûkûmagia, Munene wa Anene. 2.  Tûmûcokagirie nkaatho, Untûbwa biewa biawe; Kinya bojujû ba kenya, Bathaarimagwa ni We. Tûkumagie, tûkumagie, Mwejani wa mawega. 3.   Atûtugaga ta ûria, Ithe eendaga mwana; Atugwataga na njara, Tütikagitarage. Nakumague, nakumague, Mwonokia wetu twinthe. 4.  Tukari ta irao rĩa mûtî, Rûûju tutionekua o; No Rûteto rwa Murungu, Rütüûraga o kenya Nakumague, nakumague Nowe twirîgagîîra. 5.  Barĩa bamwona na metho, Bamugongaga mono. Mweri, riûa o na njota, Bionanagia nkumewe. Nakumague, nakumague, Mwathani wa maweru.

150. Nkainaga nteto inthongi

 1.  Nkainaga nteto inthongi, Cia Jesû urĩa wankuîrîîre; Aratiga unene bwawe, Akiambwa Mutharabe-ne. Ngakumagia Mûkûûri wakwa, Amwe na baria atheru; Nkagoongaga Mûkûûri wakwa, Kiagai-ne kia atherû. 2.  Igita riria ndaûrite, Mwathani naambonire; Agûnkumbatiria njare-ne, Agincokia kiri We. 3.  Na riria ndathumûrangi, Na nkanogua nî meeyia; Mwathani ni aamboriirie, Akinthiria uguaa. 4.   Kinya muundu jwatumana, Ngeeta njîra cia kieba; Mwonokia arî amwe nani, Aantongeeretie bwega. 5.  Na rîria ndĩ na magerio, We agampumagîîria; Ni kenda tugacemania, Na acore bawe bonthe.

151. Tukaatheni Mûrungu o bwega

 1.  Tukaatheni Mûrungu o bwega, Tûkaathe Murungu Baaba; Nowe ütütüüragia na mwoyo, Batui turi o aana bawe.      Ni tûkumie Murungu,     Antû tûmûgoonge mma,     Na tukumie Mutana;     Na tumwende mma na nkoro cietû. 2.  Ithe wetû no Mûrungu ûmwega, Natweejaga irio bietû; Mbura na riũa nowe waathaga, Kinya batui aana bawe. 3.   Mûrungu nathwire ûthûku bunthe, Tûtikamwona tûrî nabu; Nuu ûtwebeerekia moothûku? No Jesû  Mwonokia wetu. 4.  Ni Jesû Kristo watukuîrîîre, Twirire nandi tûrekerwe; Kenda tûtûûranie na Mûrungu, Batui turi o aana bawe.

152. Ûria wîtîkagira mma

  1.  Ûria wîtîkagira mma, Riitwe-ne ria Jesû, Niebagirua mauru jawe, Akoona mawega. 2.  Riitwa rĩa Jesû rîîngaga, Kimako gĩa nkoro; Ûria ukaraga nario, Atîkaaga gantũ. 3.  Riitwa riawe rîrî nkanya, Ni ta muriikana; Ring'uanene na mung'unye, Ritunogokagia. 4.  Jesû, Muriithi, Mûcore, Münene, Mwathani,  Njira ya baria bacwaga, Mücii jwa Zayuni. 5.  Nkoro yakwa îtîmenya, Gûgûkumia bwega; Indi ndiîria tûkoonana, Ngagukaathaga mma. 6.  Mwanka riria tukoonana, Ntigatiga kwina; Riitwa riaku rigantethia, Ntuku iria ngakua. 7.  Nteethia ntumagîîrie kunthe, Rüteto rũa Jesû, Na Riitwa ría Jesû Norio, Rikangwiria ngîkua.

153. Njuni twinîre Murungu

1.  Njuni twinîre Murungu,  twiine tugwîrîtue; Munene Jesû Kristo,  tumugoonge mono, Nthaka ineeni bubwega,  na bwee babaagiru: Nabuĩ aarî bûmaarire  ta Mwathani wenu. 2.  Nthaka bûrî amwe  na aarî inîreeni Jesû, Kinya twana itubuîrîte,  tumugoonge nandi; Na Jesû ni umubooreru,  na ningi Mûkûûri, Wa twana na antu baanene  na niwe Mwathani. 3.  Nthaka buriteni ngũgĩ,  bûritire Jesû, Bûkoona îtuui rienu  bwakinya Îgûrû, Akûrû ona eekûrû!  na kinya bui aari!, Maketha ni jamaingi mma,  muunde-ne jwa Jesû. 4.  Igita riu rîri akuui,  rîria antu baku, Bakaaretwa ntura yaku  kenda banogoke; Jesû Kristo tûteethie  nandĩ twîkîre wîru, Antu baku baiingie  ba gûkûrûka kuu. 

154. Jesû nigwe ûgwiragia

 1.  Jesû nigwe ûgwiragia, Nkoro cia barĩa bacwaga; Mantu ja mma na jameega, Jaria jatuûraga kenya. 2.  Bonthe barĩa bagucwaga, Bakagunwa ni gükwoona; Baraithiria uthiũ bwaku, Bakoona kinya Murungu. 3.  Twacema Irio bia Mwoyo, Mpara yetu îkathira; Rûûjî rwa Kîthima gĩaku, Rukathiria nyonta yetu. 4.  Into bia nthigûrû îjî, Bitîtuma tuthinyaara; No Gwe gwenka ûtumikia. Antû  baku banogoka. 5.  Jesû, tûûranagia natui, Mwoyo-ne jûû jwa nthigûrû; Weru bwaku bwinge muundu, Kenda twona mwoyo jungi.

155. Gûti na mûcoore ûngi ta Jesû

 1.  Gûti na mûcoore ûngi ta Jesû, Gûtiwe kinya umwe; Umba kworia mirimo ya nkoro, Gûtiwe kinya umwe.       Jesû niaiji mathina jetu,      Nawe agatutongagîîria;      Guti na mucoore ungi ta Jesû,      Gûtiwe kinya umwe. 2.  Kûrî ungi umwagîru tawe? Gütiwe kinya umwe; Mwinyiyia na mubooreru tawe? Gutiwe kinya umwe. 3.   Kuririo twithairwa tuti nawe? Gütirio kinya rîmwe; Kuririo wendo bwawe buthira? Gûtîrîo kinya rimwe. 4.  Kûri mwana waatigwa ni Jesû? Gütiwe kinya umwe, Kana mwiyia waregwa nawe? Gütiwe kinya umwe.

156. Tui twinthe itwoneete werũ

  1.  Tui twinthe itwoneete werũ,  bûria bweejire nthî jî: Küthaaragira antû bonthe;  kenda boone Mwathani.        Antû  nibûgwitikîra         werû bûbûthaarïre,        Jesû nawe abutongagirie         abwathurane na nthi? 2.  Mwendi meeyia we niathuraga  werû bûmüthaarîre; Atikoone jaria athithagia  ati nijo mathukia. 3.  Baria batwire mugundu-ne  baregeete kwirira; Taureni buboonagia  werû kenda nabo bairire. 4.   Tûkariûngaga na werũ buũ,  twendanîte tuî twinthe; No tuthambue na Tharike îu,  ya Jesû Mütwonokia.

157. Ûmwe nkürüki ya bonthe

 1.  Ûmwe nkürüki ya bonthe, Atweendaga. Wendo bwawe nî bûunene, Atweendaga. Acore ba mwoyo juju Ibathiragia ucoore; Batîkaraga ta Jesû Atweendaga. 2.  Kûmũmenya niku Mwoyo, Atweendaga  Arî na kiao gîkiingĩ, Atweendaga. Naacwire ng'ondu buûrî-ne, Araiküüra na Tharike; Agaciania nkanathe-ne, Atweendaga. 3.  Niwe Mûteethia wa eeyia, Atweendaga, Neendaga kwonokia bonthe; Atweendaga, Naaragia nteto inthongi; Iria itumenyithagia, Mantû ja Mwoyo Jumwega, Atweendaga. 4.  Tükarekerithua niwe, Atweendaga. Tütikoombwa ni mothûûku, Atweendaga. Mügundu-ne na Werü-ne, Jesû atigatütiga; Agatwonia Mwoyo jungi, Atweendaga.

158. Jesû we mwene naaugire

 1.  Jesû we mwene naaugire, "Kagita nandini gakinyi: Irireni na bwitikie, Nteto iria njega cia Mwoyo".      Nkoma nierwe tûtî na îrandû,     Niriariirwe ni Jesû.     Riria riari o nindariiji:     Mûtharabe-ne Calvary. 2.  Muntu atîkoona gia kwigwatia, Tontû rûteto ni rwandiki: Ati no mwanka twirire, Ni kenda tûrekerwa meeyia. 3.  Ayubu aagerua ni Shaitani, Na ndwari o na mîthangîko; Kinya into biawe bireenyangua, Gûtîrio akaana Mûrungu. 4.  Irandu riakwa irïarîirwe, Ni Jesû aakua Mütharabe-ne; Ningi ariûka araitia Îgürü, Ndiragia na gia kwîrîgîîra.

159. Nimpeendagwa ni Jesû

 1.   Nimpeendagwa ni Jesû  luku nîrîmbonagia  Atî na'menyagîîra.  Rîrîa ndî karûkenke.     Iuku rîîtheru     Nîrîmbiiraga:      Atî nîmpeendi,      Nî Jesû Mwonokia. 2.  Nimpeendagwa nî Jesû Naandugûrîîre mwari;  Jûrîa ngakürükîîra,  Kenda ngakinya Kwawe, îû 3.  Nimpeendagwa nî Jesû,  Rîrîa ndî mûrimo-ne:  We neejaga kûndaitha,  Na nampeejaga thîîria. 4.  Nîmpeendagwa nî Jesû, Atîkambîrükîra;  Ndeethîrwa nîkimwendaga,  Agampambîîria Kwawe.